Aba! Aba! Nagbalik ka na!

Hindi naman siguro masama kung magbabalik diba?

Aba't matagal na rin (mga kalahating taon) bago ako magbalik...

Pero bakit nga ba ako nawala?

At bakit ako nagbabalik?

Ano na?

Well, mahabang istorya. At kung ikukukwento ko, ay mahabang kwento. Maraming kasing nangyari. May kaaya-aya, may hindi. May exciting, may nakakapanlumo. Pero mas marami ang hindi magandang pangyayari. Hindi ko ba alam! Umiiwas na nga ako sa kalokohan, pero wala talagang magagawa. Iba talaga kapag gwapo, habulin ng problema. Pero eto pa rin ako, positibo sa lahat ng bagay, masayahin, pogi at gago!

Bwahaha...
Katatawa ko lang ng ilang segundo pero nakakamiss kaagad tumawa e.

Ilang araw na lang at nalalabi, PASKO na! Pero bakit hindi ko ramdam. May nagbabago na nga ba sa takbo ng reyalidad?

Isang GATANG ng PAPURI

One message received:

Another COMMENDATION for ME this day!
Hehehe...

January 20, 2014

May papuri na naman ako dahil mahusay kong pag-intindi sa aking gawain. Pero bakit ganun? MALUNGKOT pa rin ako? Siguro marami lang akong problemang pinagdadaanan, isa na ang PERA. Dito na kasi umiikot ang buhay ko ngayon, trabaho para magkapera, mag-aral para makakuha ng magandang trabaho. Lahat pera! Ibang iba sa mga paniniwal ko noon. Dati hindi ko iniisip ang pera bilang elemento ng problema. Pero ngayon bilang isang working-student natutunan ko ang halaga ng pera, ito ay WALANG HALAGA!

Malungkot ako, OO! Hindi dahil nakukuha ko ang mga papuri mula sa top management ng pinagtratrabahuan ko. Pero kasi... parang KULANG? Hindi ko kasi ito pangkaraniwang natatanggap sa iba lalo na sa aking Pamilya. Iniisip ko kasi ako ang Black Sheep sa Pamilya, dahil puro na lang problema ang idinudulot ko sa kanila. Parang wala na akong nagawang tama kung baga. Pero iniisip ko lang naman yun, kilala ko naman siguro ang sarili ko kung paano ako mag-isip. Katulad ng mga panahon na ito, problema na naman ako. Minsan parang ayoko na mag-aral at magfocus na lang sa pagtratrabaho, pero MALI e. 

"Tulungan mo naman ang sarili mo!"

Alam ko naman, kailangan kong tulungan ang sarili ko, pero may mga bagay at pagkakataon lang talaga na hindi na sakop ng aking kakayanan kaya ako huminihingi ng tulong. Hindi ako UMAASA LANG. Gumagawa din naman ako ng paraan, maraming paraan para matulungan ang sarili ko. SANA iyon ang mapuri sa akin. Hindi ko kailangan ng PERA, walang halaga iyon. Ang kailangan ko, pangunawa, pagdamay sa paghihirap, motibasyon, matibay na sandalan, PAGMAMAHAL. Ito ang mga mahahalagang bagay sa akin. Higit sa PERA. 

Pangangailangan ang pera, pero hindi ito ang problema. Marami akong nakikilalang tao dahil sa matinding pangangailangan at problema. Tumutulong lang ako. Ako pa minsan ang gumagawa ng paraan, kasi alam ko ang pakiramdam ng may problema at may pangangailangan. Hindi lang kasi ang sarili ko ang iniisip ko, kahit mahirap ako at hindi lumaki sa isang marangyang pamilya, natutunan ko ang ugaling makatao. Luma at kakaragkarag na 1100 ang cellphone ko ngayon, simple lang ang pangaraw-araw kong pamumuhay. Hindi sobrang pangakain lang. Alam ko ang hindi para sa akin. 

Kaya naman, kahit isang milyon pagpapapuri pa ang matanggap ko, hindi lalaki ang ulo ko. PRAMIS yan! (Minsan magyayabang ako, pero hanggang dun lang yun. YABANG lang at hindi pagmamalaki o pagmamataas na ikakasira ng pagkatao ng iba.)

Tadah!
First entry ko this year!
Bwahaha...
Salamat sa netbook ng kaboardmate ko at nakapagupdate din!

Saan madodownload ang lahat ng LEAKAGE SEX VIDEO ng mga artista?

Hmmmm...

Alam na!
MALIBOG!

HAMBOG!

JUMBO HOTDOG!

NGAYO'Y MABLOBLOG! (Ulit)

BUWAHAHA...

Kitam? Sabi ko na e, basta sex video madali nating pagpiyestahan. Parang kainan na ang sarap pagsalu-saluhan. Minsan hindi pa kuntento, ishashare at itatag pa hanggang sa maging laman na ng mga bluetooth. Ang tanong, ganyan na ba tayo kabihasang mamahiya ng tao? Ang dali diba? Parang ganto lang yan e, may alam ka pero wala kang ALAM!

Alam mo namang ang gagawin mo (pagpapakalat) ay makakasira ng reputasyon ng naturang tao, pero ginawa mo pa din. Ang hindi mo ALAM ay kung anong hudas ang sumapi sa naturang tao para ivideo pa yung sex scene nila! KALIBUGAN nga naman! Ang mahirap lang kasing tanggapin ay yung pagigingPROUD pa ng iba sa pagkakaroon nito. Kamakailan may narinig akong usapan sa isang pampublikong banyo:

"Ui, dre may Bayola ka ba dyan?" Sabi nung nakaunipormeng lalaki.

"Naman! Ako pa, updated yata lagi ako dyan. Hindi mo pa napapanuod?" Tugon nung isa.

"Hindi pa e, pabluetooth naman." Libog-libog din pag may  time diba?

"Sige, tapusin ko lang ito... (Umiihi)" Sige ipush pa yan!

And the rest is HISTORY...

HINDI BA SILA NATATAKOT?

HINDI KA BA NATATAKOT?

Ako, napanuod ko ang video. Mali na yun, pero hindi ko na dadagdagan ang kamalian ko sa pagpapakalat pa nito. Nakakatakot lalo na't ngayon nabubuhay tayo sa mundo kung saan lahat  ng bagay ay maikokonsiderang birtwal. Hindi ko inisip kung bakit vinideo pa yun, LIBOG kasi e! Walang pinipiling eded o estado sa buhay. Sakit na ito ng tao, madalas nga kung sino pa ang karesperespeto yun pa ay may itinatagong KALIBUGAN. Kaya wala kang KARAPATANG MAGMALINIS! Pinatasan mo ang Video kung MALINIS kang TAO! MATAKOT ka! PArang ganto GRRrrrrRRr...

Higit pa sa pangmomolestya at pakikipagthreesome sa kanila kapag nagNET ka lang ngayon para sa hayok mong libido. Ika nga sa isang reserts, 96% ng tao (karamihan ay lalaki) ay nakapagbrowse na ng isang porn site. Natural na kasi. Oo, ang isang bagay na inuulit-ulit ay nagiging natural na sa lipunan. Nagsimula sa CURIOSITY hanggang sa maging AUTOMATIC na sa kaisipan nating mga tao...

Kung saan madodownload lahat ng video lahat ng SEX video ng mga artista, ito ang mga link...

www.magbagokana.com

www.huwagkangmalibog.com

www.isipinmosarilimobagokamagnet.com

www.magingmapagmasid.com

www.maramingbagaypaangdapatmongmalamandahilsamundongitoangpakikipagkapwataoaynasusukatsapagiisipngikakabutingiba.com

BUWAHAHA...
~IpakosaKrus!

Kailan yayaman ang Pinas?

Aba'y malay ko ba!

Hindi ko nga alam kung yayaman ba talaga ang Pilipinas o hihirap pa ng lalo dahil sa maraming nangyayaring kung anong anik-anik sa araw-araw-araw (kasama na dyan ang mainit na araw). Hay...

Minsan nga parang nakakasawa nang magbasa sa TV, makinig sa Dyaryo at manuod ng Radyo e. Paano kasi, kung ano-ano na ang ibinabalita. Minsan inuuna pa ang maraming problema ng ibang bansa kesa sarili nating problema. Tingnan mo ngayong Mayo, Eleksyon. Pero marami pa din ang nanunuod ng mga telenobela, nagsayaw ng Gentlemen tapos ipopost sa YouTube, magpilit MagGiyomi kahit puno ng tigyawat ang mukha at kumain ng halo-halong may pinipig.
Diba?
NAKAKASAWA kasi! As in! BORING ang eleksyon!

Mas pipiliin kasi na magliwaliw (Oo, naman no. Summer kaya!). Pero hindi ba dapat ay alerto pa din tayo sa mga nangyayari? Tulad na lang ng Sabong este Eleksyon, nakakarinding pakinggan ang payabangan at paramihan ng kasinungalingan ng mga tumatakbo. Kanya-kanyang pakulo ng kagaguhan. Tayo naman, nagsasaya. Parang mga natutuwang demonyo sa nagaaway na kandedato. May palakpakan epek pa, kala mo totoo! WooOooo! Tsaka na magdedeliryo kapag nagsuntukan na ang mga nasa entablado! Pero Boring talaga. BORING!
Buwahaha...

Maiba tayo tungkol naman sa pag-unlad since ito yung tapik ko...

MATATALINO naman tayong mga Pinoy e, pramis! Maparaan tayo para kumita. Kung tutuusin 99% ng genius sa mundo ay galing Pilipinas (pwede nating sabihing may lahing Pinoy). Ang kaso, ginagamit natin ang ating katalinuhan sa pansariling interes. Nanlalamang tayo at minsan NAGNANAKAW. Kaya naisip ko, tama yung sinabi nung katrabaho ko:

"Oo, matatalino tayo. Madiskarte tayo para kumita ng pera. Pero dapat sarili ko muna ang payayamanin ko, tsaka na ang Pilipinas." 

Yan tayo e!

Hmmmm...

Kailan nga kaya yayaman ang Pilipina?

~IpakosaKrus!


P.S

Bwahaha...
Nakakamiss pala talaga ang magblog. Medyo matagal bago ako magpost ng panibago, busy kasi sa WORK (Choz!). Pero OO, busy talaga ako. Nakakapagod pala ang magtrabaho, lalo na Pisikal na gawain ang mga ginagawa mo. Share ko nga minsan ang mga nakakatuwang experience ko sa work. Madami yun. Pero stay put lang. Konti na lang at araw-araw na akong magbloblog.

Salamat!

Ang Blog na napabayaan...

Tadaa...

Heto't ako, nagbabalik mula sa kumunoy ng KABUSYhan. Nasanay kasi na maraming ginagawa kaya ni paglagay ng tuldok sa Blog ay hindi pa magawa. TAMAD! Pero ayos lang naman, kahit busy, nagiging epektibo pa naman dahil bukod sa lumalagong isipan, e tumatalas ang ang kaalaman sa kawalan. 

Aba't mantakin mo, sa dami ng aking ginagawa (Pag-aaral, Pagtratrabaho, at Pagkain) ay naisisingit ko pa din ang pagbloblog. Kaya nga ito ang masasabi ko, ang BLOG na ito ay "ang Napabayaang Blog."
Bakit? 

Wala lang, itanong mo sa pagong!

Well, well...

Ang daming isyu ngayon, ang sarap isa-isahing talakayin pero iniisip ko, huwag na lang at baka pagbantaan akong bigyang ng talkshow at tuluyan ko na itong kalimutan, Ang Blog na Napabayaan. TAMAD!

Oo, tamad talaga ako, hindi ko din ba alam. kung bakit. 

Sige, ganito na lang. MAgkukuwento ako, kaso huwag na lang. Madami kasi at nakakatamad magkuwento. Hmmmm...
Sige na nga, at ako'y inaantok na, Actually tinatamad pa ako matulog, tinatamad din ako magtype. Hay...
Sige bahala na ako kung tatamarin sa Blog na napabayaan. Pero ito ang catch ko, babalik ako sa takdang panahon!
Bwahaha....
BUWAHAHA... (with matching ngising aso)

~IpakosaKrus!

Babala sa Bagong taon!

Dahil alam kong sawang-sawa na kayo at manhid na ang mga mata nyo sa mga imahen ng mga putol na daliri sanhi ng paputok, heto ang isang mas kahindik-hindik na larawan ng mga naputukan. Magsilbi sana itong BABALA para sa mas ligtas na bagong taon!

Bwahaha...

IpakosaKrus!

Maligayang Bati!

Isang Masaya at Masaganang Pasko nga pala sa mga tagasubaybay ng blog na ito, gayon din ng Mapagpalang pagpasok ng bagong taon. Hiling ko sa inyong lahat ang ikakabuti, ikakalusog, ikakatalino, ikakaswerte, ikakapanalo, ikakawish come true, ikakapromote, ikakapasa sa kung ano mang exam, ikakagalak, ikakalibog, ikakabaliw at ikakayaman ninyo (pabalato na lang). At syempre sa mga mamamatay nitong taong 2013, advance Happy Condolence na lang...
Sana ay patuloy tayong magbasa at paunlarin ang sarili gamit ang Filipino at pagiging Pilipino bilang sandata sa mapaniil na mundo...
Bwahaha...
~IpakosaKrus!