LongKOWTS

"Bawasan ang KALANDIAN kung di naman sagad sa KAGANDAHAN. Madaling sabihing maganda ka, mahirap naman hanapin kung saan Banda." ~Ipakosakrus!
Bwahaha...

Hinog sa Pilit

           May mga bagay talaga na kahit ayaw mo pa gawin kailangan mo nang gawin. Ayaw mo pang mangyari kailangan nang mangyari. Ayaw mo pang puntahan pero kailangan mo nang maglakbay, isa yan sa mga pagmamadali ng buhay. Mula sa pagpasa ng requirements sa eskwelahan, sa paggising mo sa umaga para pumasok sa trabaho, hanggang sa pagreply mo sa mga text ng mga taong mahal mo.
            Kailangang sumabay ka sa laro ng oras. Kung unti-unti nalalanta ang dahon ng oras sa tangkay ng panahon, ganun din naman ang bilis ng pagkaripas mo para masalo ang bawat nagsisihulugang mahahalagang segundo ng buhay natin, mabilis pero limitado ang oras. Sa akin, gusto ko pang magenjoy, gusto ko na maramdaman ang kabataan ko, pero hindi na pwede. Hindi na ako pwede bumalik sa kung ano ang napaglipasan ko, hindi na pwedeng iayon ang estado ko sa lipunan na kung ano ba dapat ang nararapat sa akin. May mga pagkakataon na gusto mo sumama sa halakhakan ng mga magkakabarkada, maglaro at magtampisaw, makipaghabulan habang may ulan, at kumain ng ice cream sa kanto at magdungisan.
            Mga pagkakataon na ayaw mo ipangloob ang damit mo at ibuka ang butones at alisin ang necktie sa leeg para makahinga sa nakakapagod na trabaho ng buhay. Magtaas at maggulo ng buhok, maghikaw na para magpacute, magrubber shoes para maiwasan ang init ng leather shoes, magpapogi sa mga taong nagugustuhan mo, sabihin na hinahangaan mo sila. Marami pa. Ayaw ko na lang isipin pa. Mas lalo lang kakainin ng pangungulila ang aking isipang minadaling hinulma ng panahon. Hindi ko naman sinisisi ang oras. Pinili ko to e. Ito ang nararapat kong gawin. Masaya naman ako kahit papaano, nakakatulong ka sa mga mahal mo sa buhay, sa mga nangangailangan at kakailanganin pa. Masasabing sakripisyo ito para sa mga taong mahal mo, siguro ito nga talaga ang reyalidad ng buhay, hindi puro saya at ayon sa ating mga kagustuhan, hindi para sa atin kundi para sa mga taong pumapaligid sa atin. Mmahirap?!!! Pero mararanasan mo rin to. Hindi man ngayon, bukas o pagkatapos ng mga ilang araw, taon, dekada, kasi alam mo hindi ka nabubuhay para sa sarili mo. Kahit hindi pa tama sa panahon. Kahit hinog ka sa pilit.

Ipako ka sa Krus!
Bwahaha...

P.S
Medyo matagal (pero matagal naman talaga) simula nung huli kong post dito. Naging busy (kahit hindi naman) at maraming proyektong pangiskul (totoo Pramis!). Hindi sa tinatamad ako, aktwali ginaganahan pa nga ako dahil sa aking panibagong inspirasyon ngayon. Sa mga susunod na buwan (bakasyon) pupunuuin ko ito ng buong taon kong eksperyens. Minsan magulo, minsan nakakaboring, minsan masaya, minsan malungkot. Buwan na din kasi ng pagtatapos, kung saan maraming nagsisipagtapos. Ipako ka sa krus!
 

LongKOWTS

"Natuwa ang Diyos kaya't gumawa ng KAIBIGAN. Nainggit ang ang Demonyo kaya't gumawa ng KAMAG-ANAK." ~IpakosaKrus

Anong favorite line mo sa 2011?

Patapos na naman ang taong 2011 at ito ang tanong: ANO ang nabago ng 2011 sa buhay mo? Sa pisikal ba, mentalidad, kaalaman, personalidad at pakikiitungo na pinag-igiran mong matupad bago pa man matapos ang butihing taon. Sa kabilang banda, ano ang mga linyang ginawa mong inspirasyon para pagpursigihan ang mga gawainng pagbabago sa iyo (kung meron man). Sigurado ako meron yan! Halimabawa marami sa iyong ang nagsasabing pangit ka. Dahil dun ay nagpursige kang i-edit sa computer mo para mapaputi at maalis ang mga signs ng kabalahuraan mo!

Pero sa akin, siguro ito ang mga nagpabago sa mga kademonyohan ko nitong taon (sa iba't ibang aspeto).

"Midan, you are the greatest writer I've ever seen." Char!

"IMBA ka Midan!" with matching meow.

"Wala kang katulad Midan! Idol talaga kita!" tapos teary eye kuno (sign of appreciation lang).

"Not now but maybe tomorrow, your wisdom (huh?) will be a countless admiration for others." Ikaw na! Huhuhu... 

"Midan, ikaw na talaga ang buhay na kristo!" Wehhh...

"Pagkasama kita para akong nilalabasan, Pramis!" Ilang sapak gusto mong hayop ka huh?

".............." *&%&%#$*&% ka rin! haha!

Madami pa yan, too much to mention kasi nakakalaki lang ng ulo ko. At take note a, lahat ng iyan ay true story sa buhay ko. Galing din sa kung sino-sinong tao na may malaking  handog sa aking pagbabago. Sa akin pa lang yan! E pano pa ang sa iyo na dahil sa dinami-daming pinagbabago mo araw-araw ay hindi mo napapansin sa paniniwalang WALA.

At kung linya din man lang ang paguusapan, ay hindi nagpapahuli ang mga tao ng ating industriya. Ang Channel 2 at 7 na may sarisariling pakulong linya. Tulad nung "100 days to heaven" na ilang one hundred na araw ang binilang ko na "KUHA MO?!" na isang araw pa lang ay kabikabila na ang pagsikat, isama pa ang sa mga katext mong Jejemon. Ganito rin ang pinausong linya ng sa 7 na pinakalolokohan ng mga kabataan. Pati na nga senador ay nakikisali sa mga pick-up line para pangaralan ang tao sa kung anong tamang paniniwala nya. Isa din ang pinauusong pambara ni Vice Ganda, ma patok sa eklavung ekek. At ang kung anu-anong ekspresyon ng kung sino-sino dahil sa paglala ng virus ng pagkamalikhain...
Kaya nga saludo ako sa mga may Originality!!

Sa huli, lahat ng ito pinagbabago ng tao hindi lang tuwing pagkatapos ng taon kundi bawat pagtatapos ng araw. Dahil sa mga linyang ito dito nahubog ang tama at masiyang pakikisalamuha kahit na iba na ang dating sa iba. Ilan dito ay ginamit ko. At alam ko kayo din ay gumamit nito sa barkada, karelasyon, at kung sino-sinong katext na tinext din sa iba. 

Kaya ito ang huli kong linya sa araw ng 2011, "Isang masaganang taon sa ating lahat! Ihinihilinh ko sa poong may kapal ang ikakabuti ninyo at inyong pamilya sa pagpasok ng butihing taon!"

Bwahaha...
Ipakosakrus!

Bahala na...

Nakumpirama na! Wala na talagang lunas sa sakit na ito. At ito ay hindi na talaga maiaalis sa pagkaPilipino. Kaya minsan ay kinapayanam ko ang sikat na may bahala na syndrome. At ito ang aming napag-usapan ukol sa isang estudyante:

 Bwahaha...
Ipako ka sa Krus!

LongKOWTS

"Dalawa lang naman ang dahilan kung bakit hindi tayo nagtitiwala sa isang tao. Una, Hindi natin sila Kilala. Pangalawa, Dahil kilala na natin sila." ~IpakosaKrus!!

LongKOWTS

"Maraming bagay ang nasasayang dahil sa mga biglaang desisyon. Marami ding tao ang nagsisisi sa maling aksyon. At mas maraming nanghihinayang dala lang ng emosyon sa mga panahong mas nangingibabaw ang lungkot at maling interpretasyon." ~IpakosaKrus!